Hver ósköpin ganga eiginlega á!!

Þið sáuð kannski samtal Ágústar Ólafs varaformanns Samfylkingarinnar og Guðna Ágústsonar formanns framsóknarflokksins í Kastljósinu fyrr í kvöld. Þar setur Guðni fram góðar tillögur sem myndu hjálpa fólkinu í landi, það kemur ekki svo mikið við peningabuddu almúgans þó að gengi krónunnar hækki um nokkur stig eða hlutabréfamarkaðurinn nái sér aftur á strik. Það gerir það kannski með tímanum, en spurningin er hvað á að gera núna. Framsóknarmenn vilja lækka gjöld af olíu og bensíni og bara það eitt mynda rétta úr kút íslenskrar meðalfjölskyldu svo um munar. Einnig vilja framsóknarmenn afnema matarskatta og að stimpilgjöld verði afnumin nú þegar. Fréttamaðurinn kemur réttilega inn á það að sitthvað af því sem Guðni nefnir sé í stjórnarsáttmálanum en hvernig væri þá fyrir þessa blessuðu ríkisstjórn að reyna að gera eitthvað af því sem kemur fram í þessum stjórnarsáttmála, það þýðir ekkert að vísa endalaust í eitthvað plagg, jahh ekki nema fólk eigi að éta stjórnarsáttmálann í bland við niðursuðuvörurnar og Cheeriosið. 

Ágúst Ólafur kemur inn á það líkt og formaður samfylkingarinnar um helgina að lækka eigi innflutningsskatta á hvítu kjöti. Þetta kemur verulega illa við svína og kjúklingabændur hérlendis og segja þeir að þetta geti orðið til þess að þeir þurfi að bregða búi. Ágúst Ólafur segir reyndar svo skemmtilega í viðtalinu og lýsir það ákveðinni fyrirlitningu og einhverskonar borgarpólitík að hagkerfið sé að vernda 2 kjúklingabændur og 16 svínabændur, við erum ekki að hafa neinn hag að því segir hann. Hann íslensk heimili blæða fyrir það að skjaldborg sé slegið utan um dýran landbúnað sem þennan. Ég get nú bara talað fyrir mitt leyti en ég get ekki séð að það sé verðið á kjúklingunum eða svínakjötinu sem er að draga íslenskuþjóðina til dauða á þessum síðustu og verstu tímum.  En ef að skattar verða afnumdir þá mun ríkisstjórninni sennilega takast að draga að minnsta kosti þessar 18 fjölskyldur sem hafa beinan hag sinn af kjúklinga- og svínarækt.

 

Hvað er eiginlega að gerast hérna!! 

Athugasemdir

[Guðrún Emilía Guðnadóttir, 2.4.2008 kl. 12:14]

Það er von að þú spyrjir hvað sé að gerast?
Það sem er að gerast er það, eins og ævilega hefur verið hér á voru Fróni,
valdabarátta og eiginhagsmunastreð, í dag er þetta bara meira áberandi heldur en hér áður og fyrr, vegna þess að eigi voru fjölmiðlarnir svo valdmiklir að þeir gætu fært okkur peðunum, þær fréttir sem við erum að fá í dag.
Ríkisstjórn dagsins í dag er ekki að standa sig, ég veit hreinlega ekki hvað þetta lið er að gera á hinu háa Alþingi. SVEI ÞEIM.
Góð skrif hjá þér Þórey Birna.
                                                   Kveðjur frá Húsavík Milla.